Tuesday, October 6, 2009

Burmese and donation in Southern thailand

မြန်မာ အလုပ်သမားများ၏ အလှူပွဲ ထိုင်းတောင်ပိုင်းတွင် ပြုလုပ်
အောင်စိုးထိုက်
အောက်တိုဘာ ၇၊ ၂၀၀၉

ဆွမ်းခြောက် လောင်းလှူပွဲနှင့် ပလ္လင်ကပ်လှူပူဇော်ပွဲ အခမ်းအနားကို တနင်္လာနေ့က ထိုင်းနိုင်ငံတောင်ပိုင်း ဖန်ငခရိုင်၊ နမ့်ခင်းကျေးရွာတွင် စည်ကား သိုက်မြိုက်စွာ ကျင်းပခဲ့သည်။

အခမ်းအနားတွင် ဖျော်ဖြေရေး အစီအစဉ်များ အကျွေးအမွေးများ ပါဝင်သည်။ ကုန်ကျစရိတ်နှင့် လှူဒါန်းမှု အစုစုတို့၏ တန်ဘိုးမှာ ဘတ် ၁ သိန်းကျော် ရှိကြောင်း သိရသည်။

လှူဒါန်းသည့် ပလ္လင်ကို ရန်ကုန်မှ မှာယူခြင်း ဖြစ်ပြီး ခရီးစရိတ် အပါအ၀င် ဘတ် ၁၅၀၀၀ ခန့် ကုန်ကျသည်ဟု ဆိုသည်။
အလှူပွဲ တက်ရောက်လာသူ အမျိုးသမီး တစ်ဦးက “ကျွန်မ အရမ်းပျော်ပါတယ်၊ မြန်မာပြည်က ရိုးရာ အလှူပွဲမျိုးကို ထိုင်းနိုင်ငံမှာ အခုလို အောင်အောင်မြင်မြင်နဲ့ စည်စည်ကားကား ကျင်းပနိုင်တာ တွေ့ရတော့ ပိုပြီးပျော်ပါတယ်၊ ဒီက ရွာသူကြီးကလည်း ဗမာတွေကို နားလည်မှု ပေးတယ်လေ” ဟု ပြောပါသည်။

အလှူပွဲကို ဦးစီးသည့် အဖွဲ့ဖြစ်သည့် ကရုဏာရှင် ညီအကိုများ အဖွဲ့ ဥက္ကဋ္ဌ ကိုနော်မဲ့က ယခု အလှူပွဲမှာ ၅ကြိမ်မြောက်ဖြစ်သည်ဟု ပြောသည်။

“ဒီက အလုပ်သမားတွေ အတွက် သံဃာတော်တွေကို တစ်နေရာတည်းမှာ စုစည်းပြီး သူတို့တက်နိုင်သမျှ ဆွမ်းခြောက် လောင်းလှူနိုင်အောင်နဲ့ သူတို့ရဲ့ ချွေးနဲစာတွေနဲ့ စုပေါင်းပြီး ၀ယ်ထားတဲ့ ပလ္လင်ကို ကိုယ်တိုင်ကိုယ်ကျ ကပ်လှူ၊ ရေစက်ချ၊ အမျှဝေ၊ ကုသိုလ် ယူနိုင်အောင် ဖြစ်ပါတယ်။ နောက်တစ်ခုက ရွေ့ပြောင်း အလုပ်သမားတွေ အချင်းချင်း ဒီထက်ပိုပြီး ရင်းနီးမှု ရစေချင်လို့ပါ” ဟု ကိုနော်မဲ့က မိုးမခသို့ ပြောကြားသည်။

ပရိတ်သတ် ၈၀၀ ကျော်တက်ရောက်ပါဝင် ခဲ့သည့် အလှူပွဲသို့ ထိုင်းနိုင်ငံ တောင်ပိုင်း အခြေစိုက် GHRE နှင့် HREIB အဖွဲ့တို့ကလည်း ပါဝင်ကူညီ အားပေးခဲ့ကြသည်။

အလှူပွဲ စီစဉ်သည့် ကရုဏာရှင် ညီအကိုများ အဖွဲ့သည် ထိုဒေသရောက် မြန်မာ ရွှေ့ပြောင်းအလုပ်သမားများဖြင့် ဖွဲ့စည်း တည်ထောင်ထားခြင်း ဖြစ်သည်။ တစ်ဖက်က အလုပ်လုပ်ရင်း၊ အခြားတစ်ဖက်ကလည်း ၎င်းတို့ကဲ့သို့သော ဘ၀တူ အလုပ်သမားများ၏ သာရေး၊ နာရေး အခက်အခဲများ၊ ဘာသာရေး လုပ်ငန်းများကို ကူညီဆောင်ရွက်ပေးနေသော အဖွဲ့ ဖြစ်သည်။ ယင်းအဖွဲ့ကို ဆူနာမီ ကပ်ဆိုးကြီး အပြီး ၂၀၀၅ ခုနှစ် ဩဂုတ်လတွင် အဖွဲ့ဝင် ၉၄ ယောက်ဖြင့် စတင် ဖွဲ့စည်းတည် ထောင်ခဲ့ကြောင်း သိရသည်။ ယခုအခါ အဖွဲ့ဝင် ၁၅၇ ယောက် ရှိသည်ဟု ဆိုသည်။

Monday, September 28, 2009

migrant workers joined 2nd anniversary of saffron revolution ceremony

ထိုင်းတောင်ပိုင်းရောက် မြန်မာများ ရွှေဝါရောင် တော်လှန်ရေး ၂ နှစ်ပြည့် ဆုတောင်းပွဲပြုလုပ်
အောင်စိုးထိုက်
စက်တင်ဘာ ၂၈၊ ၂၀၀၉ သံဃာတော်များက မြန်မာစစ်အစိုးအရအား မေတ္တာသုတ် ရွတ်ဖတ်၍ သပိတ်မှောက် ဆန္ဒပြခဲ့သော နှစ်ပတ်လည်နေ့တွင် ထိုင်းနိုင်ငံတောင်ပိုင်းမှ မြန်မာပြည်သားများ ဆုတောင်းပွဲ ပြလုပ်နေပုံ(ဓာတ်ပုံ-GHRE)

ရွှေဝါရောင် တော်လှန်ရေး (၂)နှစ်ပြည့် နှစ်ပတ်လည် အထိမ်းအမှတ် အဖြစ် “ငြိမ်းချမ်းရေးအတွက် ဖယောင်းတိုင်မီး ထွန်းညှိဆု တောင်းခြင်း” အခမ်းအနားကို ထိုင်းနိုင်ငံတောင်ပိုင်း တကွာပါမြို့နယ်၊ ခိခတ်ကျေးရွာတွင် စက်တင်ဘာ ၂၆ ရက်နေ့က ပြုလုပ်ရာ ထိုဒေသရောက် မြန်မာပြည်သား အလုပ်သမားများ ပူးပေါင်း ပါဝင်ခဲ့ကြသည်။

ဆုတောင်းပွဲတွင် အလုပ်သမားများနှင့်တူ ထိုင်းနိုင်ငံတောင်ပိုင်း အခြေစိုက် GHRE, IOM, SNF နှင့် HREIB တို့မှ ပူပေါင်းတာဝန်ယူကျင်းပခြင်းဖြစ်ပြီး၊ အခမ်း အနားသို့ အဖွဲ့အစည်းအသီးသီးမှ တာဝန်ရှိပုဂ္ဂိုလ်များ၊ ရဟန်းသံဃာတော်များ၊ နှင့် ဒေသခံထိုင်းလူမျိုးများ အပါအ၀င် လူအင်အား (၂၀၀)ကျော် တက်ရောက်ခဲ့ကြသည်။

“ဒီနေ့ဟာဆိုရင် မြန်မာပြည်သူပြည်သားတို့ရဲ့ ဆင်းရဲမွဲတေမှု၊ ဖိနှိပ်ချုပ်ချယ်ခံရမှုနဲ့ ကုန်ဈေးနှုန်း ကြီးမြင့်မှု ဒါတွေကို အကြောင်းပြုပြီးတော့ ဦးဇင်းတို့ သံဃာတွေကနေ ၂၀၀၇ စက်တင်ဘာလမှာ ဦးဆောင်ဆန္ဒပြခဲ့တဲ့ (၂)နှစ်ပြည့် နေ့တစ်နေ့ဖြစ်ပါတယ်။ ဦးဇင်းတို့ကနေပြီးတော့ အဲဒီတုန်းက သေဆုံးခဲ့တဲ့ သံဃာတော်တွေ၊ ပြည်သူလူထုတွေနဲ့ အကျဉ်းချခံထားရတဲ့သူတွေအတွက် ရည်စူးပြီး မေတ္တာပို့ပရိတ်တရားတော်များကို ရွတ်ဖတ်ပြီး၊ ဖယောင်းတိုင်မီးထွန်း ဆုတောင်းတာ ဖြစ်ပါတယ်” ဟု အခမ်းအနားသို့ တက်ရောက်လာသော ဆရာတော်အရှင် ဦးသုမနက မိုးမခသို့ မိန့်ကြားသည်။

အခမ်းအနားကို Samsung Community Center တွင် ညနေ (၄)နာရီမှ ည(၇)နာရီအထိ ကျင်းပခဲ့ခြင်း ဖြစ်သည်။

ဆုတောင်းပွဲလုပ်ရသည့် ရည်ရွယ်ချက် တခုမှာ ထိုင်းလူမျိုးများကို လက်ရှိ မြန်မာ့နိုင်ငံရေး အခြေအနေနှင့် ပတ်သက်ပြီး သိစေလိုခြင်း ဖြစ်သည်ဟု အခြေခံလူထု လူ့အခွင့်အရေး နှင့် ပညာပေးဌာန (GHRE) မှ ဒါရိုက်တာ ဦးထူးချစ်က ရှင်းပြသည်။

“လက်ရှိ မြန်မာ အစိုးရ အနေနဲ့ ကျွန်တော်တို့ ပြည်သူလူထုတွေတင် မကဘဲ ပြည်သူတွေ အထွတ်အမြတ် ထားတဲ့ သံဃာတော် တွေကို ဘယ်လိုမျိုး ရက်ရက်စက်စက် နှိပ်ကွပ် သတ်ဖြတ်ခဲ့တယ်ဆိုတဲ့ အကြောင်းကိုလည်း ထိုင်းလူမျိုးတွေ သိစေချင်ပါတယ်။ ဒါမှလည်း ကျွန်တော်တို့မြန်မာတွေ ဘာကြောင့် သန်းနဲ့ချီပြီးတော့ ရောက်လာတယ် ဆိုတာ သူတို့ သိရှိနား လည်ပြီး ရွှေ့ပြောင်းအလုပ်သမားတွေရဲ့ ဖွံ့ဖြိုးတိုးတက်ရေး၊ ပညာရေးလုပ်ငန်းတွေမှာ သူတို့အနေနဲ့ တတ်နိုင်တဲ့ ဘက်က ပူးပေါင်းပါဝင်လာနိုင်မှာဖြစ်ပါတယ်” ဟု ဦးထူးချစ်က ပြောသည်။

အခြေခံလူထု လူ့အခွင့်အရေး နှင့် ပညာပေးဌာန မှ ဒုဥက္ကဌ ဖိချလီဒါ က “ရွှေဝါရောင်တော်လှန်ရေး နှစ်ပတ်လည်မှာ အခုလိုလာခွင့်ရ တဲ့အတွက် ၀မ်းသာကြည်နူးဖြစ်မိပါတယ်။ အခုကျင်းပတဲ့ပွဲမှာ မြန်မာနဲ့ ထိုင်း လူမျိုးတွေက ညီအစ်ကိုမောင်နှမတွေလို စည်းစည်းလုံးလုံးနဲ့ ပူးပေါင်းပြီး လုပ်ဆောင်တာတွေ့ရလို့ ၀မ်းသာပါတယ်။ ဒီပွဲကို လုပ်ခြင်းအားဖြင့် သာသနာကို အမြဲအောင်းမေ့သတိရစေပြီး၊ သံဃာတော် တွေနဲ့ ပြည်သူလူထုတွေ ပူးပေါင်းပြီး၊ ဘာသာသာသနာကို ထွန်းကားအောင် ဆောင်ရွက်သွားဖို့ တွန်းအားတစ်ခုဖြစ်စေပါတယ်။ ထိုင်းဘုရင်မင်းမြတ်က လည်း မြန်မာလူထုတွေကို ချစ်ခြင်းမေတ္တာ တွေ ပေးဝေနေပါတယ်။” ဟု လေးလေးနက်နက်ပြောကြားသွားသည်။

အခမ်းအနားတွင် ဖျော်ဖြေရေးအစီအစဉ်များ၊ ဆွေးနွေးပွဲအစီအစဉ်များပါဝင်ပြီး၊ အစီအစဉ် နောက်ဆုံးတွင် တက်ရောက်လာသည့် ဧည့်ပရိသတ် စုစုပေါင်း (၂၀၀) ကျော်က ဖယောင်းတိုင်မီးများထွန်းညှိ၍ (၂) မိနစ်ကြာ ငြိမ်သက် ဆုတောင်းကြကို တွေ့ရသည်။

Monday, September 21, 2009

Passports to Burmese Migrant Workers in Thailand ထိုင်းရှိ မြန်မာအလုပ်သမားများ နိုင်ငံကူးလက်မှတ် လုပ်ရန်

ထိုင်းရှိ မြန်မာအလုပ်သမားများ နိုင်ငံကူးလက်မှတ် လုပ်ရန်
အလုပ်သမားအရေး လှုပ်ရှားသူများက တိုက်တွန်း

အောင်စိုးထိုက်
စက်တင်ဘာ ၂၁၊ ၂၀၀၉
ထိုင်းနိုင်ငံ တောင်ပိုင်းဒေသရောက် အလုပ်သမားများကို အလုပ်သမားအရေး ဆောင်ရွက်သူများက သွားရောက် တွေ့ဆုံပြီး ကူညီ ရှင်းလင်းနေပုံ

ထိုင်းနိုင်ငံတွင် တရားဝင် နေထိုင် လုပ်ကိုင်နိုင်မည့် အလုပ်သမား နိုင်ငံကူးလက်မှတ် ရရေးအတွက် လျှောက်လွှာ ရေးသားကြရာတွင် အမှားအယွင်းများစွာ ရှိကြသဖြင့် ထိုင်းနိုင်ငံ တောင်ပိုင်းရှိ အလုပ်သမားအရေး လုပ်ကိုင်သူများက ကူညီလျက်ရှိသည်။


ထိုင်းနိုင်ငံတောင်ပိုင်းအခြေစိုက် အခြေခံလူထု လူ့အခွင့်အရေး နှင့် ပညာပေးဌာန (GHRE) နှင့် SNF အဖွဲ့တို့ ပူးပေါင်း၍ ထိုင်းနိုင်ငံတောင်ပိုင်း၊ ကော့ကလွိုင်မြို့နယ်ရှိ မြန်မာ အလုပ်သမားများအား စက်တင်ဘာ ၁၈ ရက်နေ့က လိုက်လံတွေ့ဆုံ၍ လျှောက်လွှာတွင် မည်သို့ ဖြည့်စွက်ရမည်ကို ရှင်းလင်း ပြောကြားခဲ့သည်။

“ဖြည့်ရမယ့် ဖောင်ပုံစံတွေမှာ အမှားတွေ အများကြီး ဖြည့်ထားတာ တွေ့ရပါတယ်။ အဲဒီလို အမှားတွေ ဖြည့်ထားရင် နိုင်ငံကူး လက်မှတ်ရဖို့ မဖြစ်နိုင်ပါဘူး။ အဲဒါကြောင့် ကျွန်တော်တို့ အခုလို လိုက်လံတွေ့ဆုံပြီး ဖောင်ဖြည့်ပုံ ဖြည့်နည်း၊ မှားတတ်တဲ့ အမှားနဲ့ လိုအပ်တာတွေကို ပြောပြတာဖြစ်ပါတယ်” ဟု SNF မှ နယ်မြေတာဝန်ခံ ကိုမောင်မောင်က ပြောကြားသည်။

နိုင်ငံကူးလက်မှတ်များလျှောက်ထားရန်လည်း လိုက်လံ လှုံ့ဆော်ပေးနေသည်ဟု သိရသည်။
နေ့လည်ပိုင်းတွင် ကော့ကလွိုင်မြို့နယ်ရှိ ရာဘာခြံများတွင် အလုပ်လုပ်ကိုင်နေသော မြန်မာအလုပ်သမားများအား ကော့ကလွိုင် ရာဘာခြံအမှတ်(၁၂) အတွင်းရှိ ကျောင်းသစ် မြန်မာ ဘုန်းတော်ကြီးကျောင်းတွင် လည်းကောင်း၊ ညနေပိုင်းတွင် လမ်မကင်း ကျေးရွာတွင်လည်းကောင်း လိုက်လံဆွေးနွေးကြောင်း သိရှိရသည်။

GHRE မှ အလုပ်သမားရေးရာ တာဝန်ခံ ကိုမိုးဝေက “အခု အလုပ်သမားကဒ် (ဘတ်) ရှိထားသူတွေဟာ နိုင်ငံကူး လက်မှတ် မဖြစ်မနေ လုပ်သင့်ပါတယ်။ ဘာဖြစ်လို့လဲဆိုတော့ ယခုထုတ်ပေးမယ့် နိုင်ငံကူးလက်မှတ်ကို ၂၀၁၀ ဖေဖော်ဝါရီလကုန်ထိပဲ နောက်ဆုံးထားပြီး ထုတ်ပေးမှာဖြစ်ပါတယ်။ အကယ်၍ ကိုယ်က မလုပ်ဖြစ်ခဲ့ဘူးဆိုရင် လက်မှတ်မရှိတဲ့သူတွေဟာ ထိုင်းအစိုးရရဲ့ ဖမ်းဆီးခြင်းကို ခံရမှာဖြစ်ပါတယ်” ဟု ပြောသည်။

၎င်းကဆက်လက်၍ “နိုင်ငံကူးလက်မှတ် လုပ်ထားခြင်းအားဖြင့် ထိုင်းနိုင်ငံ မည်သည့်နေရာကိုမဆို လွတ်လပ်စွာ သွားရောက်နိုင်ပြီး မည်သည့် အလုပ်ကိုမဆို လွတ်လပ်စွာ လုပ်ကိုင်နိုင်မှာ ဖြစ်ပါတယ်။ သက်တမ်းကတော့ (၂)နှစ် တစ်ကြိမ်နဲ့ နှစ်ကြိမ် စုစုပေါင်း (၄)နှစ်သက်တမ်း ရရှိမှာ ဖြစ်ပါတယ်” ဟု ပြောသည်။

နိုင်ငံကူး လက်မှတ်ကို နယ်စပ်မြို့များ ဖြစ်သည့် တာချီလိတ်၊ မြ၀တီ၊ ကော့သောင်းမြို့များအထိ သွားရောက်၍ လျှောက်ထားရမည် ဖြစ်သည်။

ထိုင်းနိုင်ငံတွင် မြန်မာ ရွှေ့ပြောင်း အလုပ်သမားပေါင်း (၃) သန်းကျော် ရှိပြီး၊ (၇) သိန်းခန့်သာ အလုပ်သမား လက်မှတ် ရှိကြောင်း သတင်းရရှိသည်။

ယာယီနိုင်ငံကူးလက်မှတ် လျှောက်ထားရာတွင် အခြေခံအားဖြင့်
၁။ အလုပ်သမားလက်မှတ်ရှိရမည်။
၂။ အလုပ်ရှင်နှင့်အတူ မြန်မာနယ်စပ်မြို့များအထိ သွားရောက် လျှောက်ထားရမည်။
၃။ မြန်မာပြည် နိုင်ငံသား စိစစ်ရေးကတ် ရှိရမည်။
စသည့် အချက် ၃ ချက် လိုအပ်မည် ဖြစ်သည်။

ပြီးခဲ့သည့် လဆန်းပိုင်းက မြန်မာနိုင်ငံသို့ နိုင်ငံကူးလက်မှတ် သွားရောက် လျှောက်ထားသော အလုပ်သမား ၅၀ ခန့်ကို မြန်မာအာဏာပိုင်တို့က ယခုထိတိုင် ဖမ်းဆီး ချုပ်နှောင်ထားဆဲ ဖြစ်ကြောင်း သတင်းရရှိသည်။ ထိုသတင်းကြောင့်လည်း အလုပ်သမားများမှာ မြန်မာနိုင်ငံသို့ ပြန်၍ နိုင်ငံကူး လက်မှတ်လုပ်ရန် စိုးရိမ်နေကြကြောင်းလည်း သိရသည်။